कार्तिक ८, सोलुखुम्बु । सोलुखुम्बुको लिखुपिके गाउँपालिकाद्धारा ६ महिनामा एक सय बढी नागरिकलाई पञ्जिकरण सम्बन्धी सेवा दिइएको छ । गाउँपालिकाले चालु आर्थिक बर्षको ६ महिनाको अवधिभित्र १ सय ७० जनालाई पञ्जिकरण सम्बन्धी सेवा दिइएको हो ।
पञ्जिकरण शाखा लिखुपिकेको तथ्याङक अनुसार बैशाख महिनामा २९ जनालाई, जेठमा ४२ जना, असारमा ३६ जना र साउनमा ३५ जनालाई सेवा प्रदान गरिएको हो । यस्तै भदौ महिनामा १८ जना र असोजमा १० जना गरी कुल १ सय ७० जनालाई सेवा दिईको पञ्जिकरण शाखाका प्रमुख अमृत बस्नेतले जानकारी दिनुभयो ।
उहाँका अनुसार जन्म दार्ता सम्बन्धि ९७ जना, मृत्यु दर्ता सम्बन्धी ३५ जना, सम्बन्ध विच्छेद २ जना, विवाह दर्ता २९ जना र बसाईसराई सम्बन्धि १० वटा दर्ता भएको गाउँपालिकाले जनाएको छ ।
पञ्जीकरण व्यवस्थित हुँदा यसले पार्ने बहुआयमिक सकरात्मक प्रभाव पार्ने शाखा प्रमुख बस्नेतको भनाई छ । यस्तै नेपालमा जन्म, मृत्यु, विवाह, सम्बन्ध बिच्छेद, बसाइँसराई, धर्मपुत्र तथा धर्मपुत्री दर्ता र भ्रुण मृत्युलाई कानूनले समेटेको छ ।
Discussion about this post