सोताङ गाउँपालिकाका किसानलाई बोयर बोका र सुँगुरका पाठा वितरण 

बैशाख २८, सोलुखुम्बु ।  सोलुखुम्बुको सोताङ गाउँपालिकाले १२ वटा उन्नत जातको बोयर बोका तथा सुँगुरका बच्चा वितरण गरेको छ । गाउँपालिकाको पशु शाखाले ८० प्रतिशत अनुदानमा १२ वटा बाेयर बोका तथा सुँगुरका पाठा वितरण गरेको हो । पशुपालनका लागी नश्ल सुधार गरि व्यवसायिक पशुपालनमा टेवपा पु¥याउने उद्देश्य सहित गाउँपालिकाले बोयर जातको बोका तथा उन्नत जातको सुंगुरका बच्चा वितरण गरेको गाउँपालिका अध्यक्ष खिलराज बस्नेतले बताउनुभयो । यस्तै गाउँपालिकाले पशु बन्ध्याकरणका लागी बन्ध्याकरण मेसिन समेत वितरण गरेको छ ।

पालिका बस्नेतको उपस्थितिमा गाउँपालिका भरिका १० जनालाई बन्ध्याकरण सम्बन्धी तालिममै दिएर मेसिन उपलब्ध गराइएको हो । यस्तै गाउँपालिकामा सञ्चालित गरिब सँग विश्वेश्वर कार्यक्रम अन्तर्गत महिलाहरूका लागी आयोजित अचार बनाउने तालिमको समापन भएको छ ।  यसअघि  गाउँपालिकाको वडा नम्बर २ मा पनि सोही तालिम आयोजना गरेको गाउँपालिकाले यहाँ उत्पादित अचार जन्य उत्पादनको बजारीकारणका लागी प्रतिबद्धता व्यक्त गरेको गाउँपालिका अध्यक्ष बस्नेतको भनाइ छ ।

यसैबीच सोताङ गाउँपालिकाका अध्यक्ष खिलाराज बस्नेतले गाउँपालिकामा निर्माणाधीन  कुम्रु लुछ्‌ने खानेपानी अन्तर्गतको ८० हजार लिटरको खानेपानी ट्यांकीको अनुगमन गरि द्रुत गतीमा काम सम्पन्न गरि खानेपानीको समस्या हल गर्न निर्माण पक्षलाई निर्देश गर्नुभएको पनि जनाइएको छ  ।

उहाँले अर्को चिसानी सिगाने  खानेपानी आयोजना अन्तर्गत निर्माणाधीन ४० हजार लिटरको खानेपानी ट्याङ्कीको, हलु मावि गौरिटारको भवन मर्मत र ट्रस्ट भवन, निर्माणाधीन पञ्चकन्या  कालिका देवी  मन्दिर   परिसरको लगायतको स्थलगत  अनुगमन गर्दै समयभित्रै  गुणस्तरीय काम गर्न निर्देशन समेत दिनुभएको जनाइएको छ  ।