एसिया प्यासिफिक ट्रेल रनिङको ४० किमी रेसमा नेपालकी प्रिया राई दोस्रो

कार्तिक ९, सोलुखुम्बु । दक्षिण कोरियामा भएको एसिया प्यासिफिक ट्रेल रनिङ च्याम्पियनसिपको सर्ट रेस (४० किमी) महिलातर्फ नेपालकी अल्ट्रा धावक प्रिया राई दोस्रो भएकी छन् । शुक्रबार भएको रेस प्रियाले ३ घण्टा ४१ मिनेट २२ सेकेण्डमा पूरा गर्दै दोस्रो भएकी हुन् ।

प्रियाले केही समयअघि मलेसियामा भएको एसिया ट्रेल मास्टरमा उपाधि जितेकी थिइन् । पहिलो र तेस्रो स्थानमा जापानी धावक रहेका छन् । जापानकी ताकाको ताकामुरा ४ घण्टा ३६ मिनेट २३ सेकेण्डमा दौड पूरा गरी विजेता बनिन् । यस्तै जापानकै होनोका अकियामा ४ घण्टा ५३ मिनेट ०७ सेकेण्डमा दौड पूरा गरी तेस्रो भइन् ।

पहिलो पटक आयोजना भइरहेको एसिया प्यासिफिक ट्रेल रनिङ च्याम्पियनसिपमा नेपालबाट प्रियासहित ६ धावक सहभागि छन् । ४० किमीमा पुरुषतर्फ तिलक सुनारले प्रतिस्पर्धा गरेका थिए । यस्तै च्याम्पियनसिपमा नेपालबाट रशिला तामाङ, मनकुमार मगर, गोपाल तामाङ लामा र तीर्थ तामाङले ८० किमि दौडमा प्रतिस्पर्धा गर्नेछन् ।