कार्तिक ११, सोलुखुम्बु । गत असोज १० देखी १२ गते सम्म परेको पानी पछि आएको बाढी पहिरोबाट खोटाङमा १२ करोड ४२ लाख बढीको अन्नबालीमा क्षति भएको छ । वर्षातका कारण आएका बाढी र पहिरोबाट जिल्लाका १० वटा पालिकामा १२ करोड ४२ लाख ९० हजार बराबरको अनुमानित अन्नबालीमा क्षति भएको हो ।
१० पालिका रहेको जिल्लामा बाढी पहिरोबाट १ हजार १ सय ९० हेक्टर क्षेत्रफलमा लगाइएको २३ हजार ६ सय ४८ मेट्रिक टल अन्नबालीमा क्षति हुँदा उक्त मूल्य बराबरको क्षति भएको कृषि ज्ञान केन्द्र खोटाङले जनाएको छ । बाढी पहिरोले जिल्लाका १० वटै पालिकाका विभिन्न ३१ ठाउँमा लगाइएको अन्न बालीमा क्षति पु¥याएको कार्यालयले जनाएको छ । बाढीले जिल्लाको दिक्तेल रूपाकोट मझुवागढी नगरपालिकाको १ हजार हेक्टर क्षेत्रफलमा लगाइएको ६ हजार ६ सय १७ दशमलव १० मेट्रिक टन धानबालीमा पूर्ण रुपमा क्षति पु¥याउँदा ३ करोड ३० लाख ८५ हजार रुपैयाँको नोक्सानी भएको जनाइएको छ ।
यस्तै बाढीले ४८ हेक्टर क्षेत्रफलमा लगाइएको १ सय ४० मेट्रिकटनको कोदोबालीमा क्षति पु¥याउँदा ४२ लाख बराबरको नोक्सानी भएको छ । यस्तै खोटेहाङ गाउँपालिकामा ७६ मेट्रिक टल अन्नबालीमा बाढीले क्षति पु¥याउँदा ११ लाख बराबरको नोक्सानी भएको छ । हलेसी तुवाचुङ नगरपालिकामा २ सय ३९ दशमलव ५ मेट्रिक टन अन्नबालीमा क्षति हुँदा ८४ लाख ९५ हजार, साकेला गाउँपालिकामा १५ हजार ९ सय ८३ दशमलव ३६ मेट्रिकटन अन्न बालीमा क्षती पुग्दा ५१ लाख ८८ हजार ६ सय ८०, जन्तेढुङ्गामा १ सय ४५ दशमलव १५ मेट्रिकटन अन्नबालीमा क्षति हुँदा ३० लाख २२ हजार रुपैयाँ बराबरको नोक्सानी भएको छ ।
यस्तै ऐसेलुखर्क गाउँपालिकामा ५४ दशमलव १० मेट्रिकटन धानमा क्षती हुँदा २८ लाख ८४ हजार रुपैयाँ, रावाबेसी गाउँपालिकामा ४९ मेट्रिकटन अन्न्बालीमा क्षती हुँदा १९ लाख ५० हजार, दिप्रुङमा ८५ मेट्रिकटन अन्न्बालीमा क्षती हुँदा १० लाख, केपिलासगढीमा २ सय ५५ मेट्रिक टन अन्न्बालीमा क्षतीहुँदा १ करोड ५६ लाख २५ हजार रुपैयाँको नोक्सानी भएको छ । उता बराहपोखरी गाउँपालिकामा १४ मेट्रिक टन धानबालीमा बाढी पस्दा ८ लाख ४० हजार रुपैयाँ बराबरको नोक्सान भएको कृषि ज्ञान केन्द्र खोटाङका प्रमुख हरीनारायण राईले बताउनुभयो । बाढीले जिल्लामा किसानले लगाएको धान, कोदो, अलैँचीका फुल तथा विरुवा, तरकारी, सुन्तला, दलहनबाली लगायतमा गम्भीर क्षति पु¥याएको हो ।
Discussion about this post