४ वटा विमानस्थल रहेको सोलुखुम्बुका ५४ जनाले चडे दशैँमा प्लेन, छैन प्रभावकारी हवाई सेवा

कार्तिक ११, सोलुखुम्बु । देशकै सबैभन्दा बढी विमानस्थल भएको जिल्ला सोलुखुम्बु भएपनि सर्वसाधारण जनताले भने हवाइ यात्रा गर्न नपाउने गरेका छन् । ४ वटा विमानस्थल रहेको जिल्लामा २ वटा विमानस्थल मात्रै सञ्चालनमा छन् । त्यस मध्ये तेन्जिङ हिलारी विमानस्थल लुक्लामा पर्यटकीय उडान बढी हुन्छ । तर अर्को, जिल्ला सदरमुकाम नजिकै रहेको विमानस्थल फाप्लुबाट सहज हवाई उडान सेवा सर्वसाधारणले पाउन सकेका छैनन् ।

दशैँ जस्तो यात्रुको चाप हुने समयमा पनि फाप्लु विमानस्थलबाट ५४ जनामात्रै प्लेन चढ्न पाएका छन् । ४ वटा विमानस्थल रहेको जिल्लामा दशैँको अवधीमा ५४ जनाले मात्रै काठमाण्डौ बाट सोलुखुम्बु हवाई सेवा मार्फत यात्रा गरेको जनाइएको छ । विमानस्थल कार्यालयका अनुसार गत असोज १७ गते देखी २८ गते सम्म ५४ जनाले मात्रै हवाई सेवा लिएका हुुन् । ११ दिनको अवधीमा विभिन्न हवाई कम्पनीले ५ उडान गर्दा मार्फत ५४ सोलुखुम्बु आएका छन् भने ७५ जना काठमाण्डौ गएका छन् ।

सरकारी हवाई कम्पनी नेपाल एअरलाइन्सले हप्तामा २ दिन बुधबार र शनिबार उडान गर्दै आएको भएपनि अन्य निजी विमान कम्पनीहरूले फाप्लुमा सेड्युलको उडान नगर्दा यात्रुहरुले हवाई सेवा पाउन मुस्किल पर्ने गरेको छ । नियमित उडानमा रहेको नेपाल एयरलाइन्सले दशैँको अवधीमा २ वटा उडान गर्दा २८ जनाले हवाई यत्रा गरि सोलुखुम्बु आएका छन् ।

यस्तै दशैँको अवधीमा सिता एयरले गरेको फाप्लु काठमाण्डौ एक वटा उडान मार्फत १३ जना र तारा एयरलाइन्सले गरेको २ वटा उडानमा जम्मा १३ जनाले हवाई सेवा लिएको जनाइएको छ । नेपाल एयरलाइन्स बाहेक अन्य निजी विमानहरूले मनमौजी तरिकाले उडान गर्दा नागरिकले प्रभावकारी हवाई सेवा नपाएको गुनासा गरेका छन् । हत्तपत्त फाप्लु काठमाण्डौ उडान नगर्ने निजी विमान कम्पनीले विदेशीरु पाए चार्टड उडान मात्रै गर्ने गर्दा यहाँका सर्वसाधारण जनताले हवाई उडान पाउन नसकेको स्थानहरूको भनाई छ ।

निजी विमान कम्पनीहरू मुनाफा केन्द्रित उडानमा लाग्दा विपत्तिको समयमा समेत नागरिकले हवाई सेवा लिएर घर आउन पाएनन् । गत असोज १० देखी १२ सम्मको वर्षातले सडक मार्ग अवरुद्ध गरेर चाडपर्वको समसयमा घर जान चाहेर पनि नपाएकाहरुले समेत हवाई यात्रा लिन नपाउँदा कष्टकर यात्रा गरेर सोलुखुम्बु आइपुग्नु परेको थियो ।

जिल्लाका सञ्चालनमा रहेका २ वटा विमानस्थलबाट पनि प्रभावकारी हवाई सेवा हुन नसकेको हो । जिल्लामा विश्वको सबैभन्दा अग्लो स्थानमा रहेको नाम्चे नजिकै रहेको स्याङ्बोचे विमानस्थल, चौरीखर्कमा रहेको तेन्जिङ हिलारी लुक्ला विमानस्थल, सदरमुकाम सल्लेरीमा रहेको फाप्लु विमानस्थल र जिल्लाको दक्षिणी क्षेत्रमा रहेको काागेलडाँडा विमानस्थल छन् । यि ४ मध्ये अहिले नियमित उडानकालागी फाप्लु र लुक्ला विमानस्थल मात्रै प्रयोग हुँदै आएका छन् ।