जलवायुको असरबारे ध्यानाकर्षणकालागी कालापत्थरमा पत्रकार सम्मेलन

कार्तिक १२, साेलुखुम्बु ।   प्रथम एभरेष्ट टुरिजम अवार्ड २०२४ को आयोजना हुने भएको छ ।  दिगो पर्यटनका लागी हिमाल बचाऔँ भन्ने मुल नाराका साथ अवार्डको आयोजना हुने भएको हो ।  हिमालको ५ हजार ६ सय ५३ मिटरको उचाईमा पत्रकार सम्मेलन गर्दै यस्तो कार्यक्रम आयोजना हुने जानकारी गराइएको हो ।

आगामी डिसेम्बरमा हुने कार्यक्रमको जानकारी कालापत्थरमा पत्रकार सम्मेलन गरि जानकारी दिँदै देशमा पर्यटन क्षेत्र विकास तथा प्रवर्द्धनमा योगदान पुर्याउने राष्ट्रिय तथा अन्तर्राष्ट्रिय क्षेत्रका विभिन्न व्यक्ति तथा संस्थालाई सम्मानित तथा अवार्डेड गरिने जनाइएको छ ।  यसरी योगदान पुर्याउने करिव ५० जनालाई सम्मानित गरिने कार्यक्रम रहेको सम्मेलनमा जानकारी दिइएको छ ।  विकसित जलवायु परिवर्तनको असर र यसको हालको अवस्थाबारे जानकारी होस भन्ने उद्देश्य सहित ५ हजार ६ सय मिटर बढीको उचाइमा पत्रकार सम्मेलन गरिएको हो ।  

सम्मेलनमा कम्पनीका प्रबन्ध निर्देशक फुर्वा ग्याल्वो मोक्तान (थुप्तेन) ले जलवायु परिवर्तनले हिमाली क्षेत्र प्रभावित भएको उल्लेख गर्दै हिमाल बचाउनका लागि ढिला गर्न नहुनेमा जोड दिनुभयो । त्यस्तै, लुक्लाका पर्यटन व्यवसायी तथा स्टार युथ क्लबको केन्द्रीय अध्यक्ष नाम्गेल शेर्पाले जलवायु परिवर्तनबाट कालापत्थर सबैभन्दा बढी प्रभावित भएको बताउनुभयो । आरोही मिङ्मा तेन्जी शेर्पाले आफू १७ वर्षदेखि हिमालमा काम गरिरहेको बताउँदै जलवायु परिवर्तनले हिमाली क्षेत्रमा असर देखिन थालेको उल्लेख गर्नुभयो ।

पर्यटन व्यवसायी मिङ्मा दोर्जी शेर्पा र आरोही मिङ्मा शेर्पासँगको सहकार्यमा एएमएस म्युजिक एण्ड इन्टरटेन्मेन्टले अवार्ड आयोजना गर्न लागिएको हो । कम्पनीले हालसम्म स्वदेश तथा विदेशमा विभिन्न कार्यक्रम गर्दै आएको छ ।