अध्यक्ष बस्नेतको पहलपछि इलाका प्रशासन कार्यालय सोताङले प्रमुख पाउँदै 

कार्तिक १३, सोलुखुम्बु  । इलाका प्रशासन कार्यालय सोताङमा लामो समयदेखि रिक्त कार्यालय प्रमुखको पदमा पदस्थापन हुने भएको छ ।  सोताङ गाउँपालिका अध्यक्ष खिलाराज बस्नेतको पहलमा गृहमन्त्रालयबाट मङ्गलबार अधिकृत स्तर सातौँ तहका कर्मचारी इलाका प्रशासन कार्यालय प्रमुखको रुपमा रहने निर्णय भएको हो ।

 विगत डेड वर्ष देखी पाचौँ तहका कर्मचारीबाट इलाका प्रशासन कार्यालयको काम हुँदै आएकोमा अव भने सातौँ तहका कर्मचारी रहने भएपछि सहज हुने अध्यक्ष बस्नेतले विश्वास लिनुभएको छ ।  अधिकार सम्पन्न कर्मचारी प्रशासन सहित इलाका प्रशासनका सेवाहरू नागरिकलाई सहज रुपमा प्रबाह हुने उहाँको भनाई छ ।

 गृहमन्त्री रमेश लेखकसँग भेट गरि उहाँले कर्मचारी पठाउनका लागी पहल गरेर निर्णय समेत भइसकेको उहाँको भनाई छ । तिहार लगत्तै इलाका प्रमुखको रुपमा नरेन्द्र कुमार श्रेष्ठ आउनुहुने जनाइएको छ ।  विशेषगरी महाकुलुङ र सोताङ गाउँपालिकालाई इलाका प्रशासन कार्यालयबाट सेवा लिनालाई सहज हुँदै आएको छ ।  यस्तै गृहमन्त्री लेखकसँग भेटका क्रममा अध्यक्ष बस्नेतले सोताङ गाउँपालिकामा अस्थाई प्रहरी बिट स्थापनाका लागी प्रहरी जनशक्ति व्यवस्थापनका लागी समेत अनुरोध गर्नुभएको जनाइएको छ ।