कार्तिक १३, सोलुखुम्बु । सल्लेरी च्याल्सा सडक संचालनमा ल्याउन त्रिपक्षीय छलफल गरिने भएको छ । दुर्गा बक्स गण सल्लेरीले द्वन्द्वकालमा अधिग्रहण गरेको बाटोमा सडक ट्रयाक खोल्नका लागी स्थानीय सरकार, नेपाली सेना र स्थानीयबासीले त्रिपक्षीय छलफल गर्ने भएका हुन् ।
नेपाली सेनाले पैदल बाटो अधिग्रहण गरेपछि निजि व्यक्तिको जग्गामा वैकल्पिक बाटो प्रयोग गरिदै आइएको तर उक्त बाटो समेत बन्द गरिदिएपछि स्थानीय थप मर्कामा परेका छन् । मंगलबार सोलुदुधकुण्ड नगरपालिका वडा नम्बर ५ का वडा अध्यक्ष मिङमार तामाङको पहलमा बाटो फिर्ता गरिदिन दुर्गा बक्स गण सल्लेरी, गुल्मका प्रमुख समृत जगं थापालाई आग्रह गरिएको छ ।
जवाफमा उक्त बाटो फिर्ता गर्नका लागि सम्बन्धित निकायसँग समन्वय गरिने गुल्मपति थापाले प्रतिबद्धता व्यक्त गर्नुभएको छ । यस अघि रक्षामन्त्री मानवीर राईलाई बाटोको विकल्प खोज्न आग्रह गर्दा समन्वय गर्ने प्रतिबद्धता जनाएपनि अहिले सम्म कुनै सुनवाई नभएको वडा अध्यक्ष तामाङले बताउनुभयो । बाटो बन्द भएपछि च्याल्सा, कारागार क्षेत्र, थल्लेरी, सोलुखुम्बु बहुमुखी क्याम्पस क्षेत्रका नागरिक सडक विहीन अवस्थामा रहेका छन् ।
Discussion about this post