ओखलढुंगामा जीप दुर्घटना : २ जना घाइते

कार्तिक १३, सोलुखुम्बु । ओखलढुंगाको मोलुङ गाउँपालिका वडा नं २ स्थित थापाचौरमा जीप दुर्घटना भएको छ । मंगलबार दिउँसो करिब ४ः४० बजेको समयमा काठमाण्डौबाट ओखलढुंगा रामपुर तर्फ आउदै गरेको जीप दुर्घटना हुँदा दुईजना घाइते भएका छन् ।

ना १ ज ६४४६ नम्बरको सुमो अनियन्त्रीत भई सडकको भित्तामा ठोक्किदा दुर्घटना भएको जिल्ला प्रहरी कार्यालय ओखलढुंगाले जानकारी दिएको छ । घाइते हुनेमा मोलुङ गाउँपालिका वडा नं २ स्थित डडुवा बस्ने वर्ष ६८ की दुर्गा कार्की र सोही वडा रामपुरकी वर्ष ७९ की यशोदा दाहाल रहेकी छिन् ।

घाइतेहरुको सामुदायिक अस्पताल मिसन सोब्रुमा उपचार भईरहेको छ भने सुमो चालक इलाका प्रहरी कार्यालय बरुणेश्वरको नियन्त्रणमा रहेको प्रहरीले जानकारी दिएको छ ।