अव्यवस्थित पार्किङले ग्रसित नयाँ बजार सल्लेरी 

कार्तिक १७, सोलुखुम्बु ।  सोलुखुम्बुको जिल्ला सदरमुकाममा रहेको नयाँ बजारमा अव्यवस्थित पार्किङले सास्ती हुने गरेको छ ।  साप्ताहिक हाट बजारमा हुने अव्यवस्थित पार्किङले गदा बजार आउजाउ गर्नेलाई सास्ती हुने भएको छ ।

सोलुदुधकुण्ड नगरपालिका वडा नम्बर ६ मा रहेको नयाँ बजारमा हरेक शनिबार बजार लाग्ने गरेको छ ।  बजारको दिन उक्तक्षेत्र हुँदै प्रयोग हुने सडकको छेउ र किनारामा पार्किङमा राखिएका मोटरसाइकल र बजारको भिडले समस्या हुने गरेको हो ।  

सयौँको सङ्ख्यामा पार्किङ गरिराखिएको मोटरसाइकल र अटो तथा गाडी लगायतका सवारी साधनले बजार भर्न आउने ग्राहक एवं उपभोक्तालाई सास्ती हुने गरेको छ ।  बजारक्षेत्रको करिव २ सय मिटर सडकको छेउछाउमा भरिभराउ मोटरसाइकल हुने गरेका छन ।  पार्किङका लागी भनेर सडक मुनि बनाइएको लटमा पार्किङ गर्न भनेर अनुरोध गरिएको भएपनि अटेरी गदै माथिनै पार्किङ गर्दा बजार व्यवस्थापनमा समस्या भइरहेको हो ।

शनिबार तिहारको अन्तिम हाट भएकाले पनि अझै धेरै मोटरसाइकल र गाडी पार्किङले मानिस आवतजावतमा समेत समस्या भएको थियो ।  खचाखच पार्किङले बाटो हिड्‌न समेत समस्या भएको उपभोक्ताले बताएका छन् ।