देउसीभैलो खेलेरै जनजागरण महाकुण्ड आविले उठायो ८ लाख ५० हजार बढी रकम

कार्तिक २३, सोलुखुम्बु । जनजागरण महाकुण्ड आधाभूत विद्यालयले तिहार पर्वको अवसरमा सञ्चालन गरेको देउसीभैलोबाट ४ लाख ५० हजार रुपैयाँ बढी संकलन गरेको छ । सोलुखुम्बुको माप्य दुधकोशी गाउँपालिका वडा नम्बर ७ मा रहेको विद्यालयले गाउँपालिका भित्र तिहारको अवसर पारेर अायाेजा गराेकाे देउसी भैलाे कार्यक्रमबाट ८ लाख ६६ हजार रूपैयाँ रकम संकलन गरेकाे हाे ।  विद्यालयमा अक्षयकाेष स्थापनार्थ अायाेजित देउसीभैलाे कार्यक्रम विद्यालयले गाउँपालिका भरी पुर्याएकाे थियाे ।

विद्यालयले अक्षयकोष स्थापना गर्ने लक्ष्यसहित पालिकाको सात वटै वडामा देउसीभैलो कार्यक्रम संचालन गरिएको प्रध्यानध्यापक भिम बहादुर राईले जानकारी दिनुभयो । देउसीभैलोमा हिमालयन माध्यमिक विद्यालयका प्रध्यानध्यापक नवराज राईले ३१ हजार १ सय ५० रुपैया सहयोग गर्नुभएको संवाददाता देवि प्रसाद घिमिरेले जानकारी दिनुभयो ।

देउसी भैलो कार्यक्रममा विद्यालयका शिक्षक, वडा नम्बर ७ का वडा अध्यक्ष सगुजित राई, विद्यालय व्यवस्थापन समितिका पदाधिकारी, अभिभावक र विद्यार्थीहरूको सहभागिता रहेको थियो । विद्यालय विदाको सदुपयोग र संस्कृति संरक्षण सँगै सङ्कलन गरिएको रकम अक्षयकोषमा जम्मा गरिने र विद्यालयमा आवश्यक पर्ने विभिन्न कार्यमा खर्च गरिने बताइएको छ ।