काङ्ग्रेस नेता कार्कीले दिए जन्मदिनमा पूर्ब विद्यार्थी समाजकाे पुस्तकालयलाइ ५ सय थान पुस्तक 

कार्तिक २३, सोलुखुम्बु ।  जन्मदिनको अवसरमा नेपाली काङ्ग्रेसका नेता तथा समाजसेवी प्रकाशसिंह कार्कीले ५ सय थान पुस्तक हस्तान्तरण गर्नुभएको छ । सोलुखुम्बुको नेचासल्यान गाउँपालिका स्थित हिमाल दर्शन माध्यमिक विद्यालय परिसरमा पूर्व विद्यार्थी समाजले स्थापना  गर्न लागेकाे पुस्तकालयमा रहने गरी नेता कार्कीले जन्मदिनको अवसरमा ५ सय थान पुस्तक उपलब्ध गराउनु भएको हो ।

हिमाल दर्शन मावि पूर्व विद्यार्थी समाजले सङ्कल्प गरेको “मेरो जन्मदिन, मेरो पुस्तकालय” अभियानका लागी विद्यालयमा स्थापना हुन लागेको पुस्तकालयमा रहने गरी उहाँले ५ सय थान पुस्तक उपलब्ध गराउनुभएको हिमाल दर्शन मावि पूर्व विद्यार्थी समाजका अध्यक्ष दिनराज बाँस्तोलाले बताउनुभयो । नेता तथा समाजसेवी कार्कीले साहित्य, उपन्यास, राजनिती, कला लगायत विभिन्न विधाका गरि उक्त सङ्ख्यामा पुस्तक उपलब्ध गराउनुभएको अध्यक्ष बाँस्तोलाले जनाउनुभयो ।

विद्यालयले लिएको ५० वर्ष ५० सङ्कल्प मध्ये पूर्व विद्यार्थी समाजले लिएको १० सङ्कल्प भित्रको ”मेरो जन्मदिन, मेरो पुस्तकालय” अभियान अन्तर्गत कार्कीले पुस्तक उपलब्ध गराउनुभएको हो । कार्कीले उपलब्ध गराउनुभएको पुस्तक केही समयपछि विद्यालय लगिने जनाइएको छ ।

नेता कार्कीले यस अघि विद्यालयले मनाउन लागेको स्वर्ण जयन्ती कार्यक्रमका लागी ५० हजार सहयोग र स्वर्गीय माता सुनिता कार्कीको स्मृतिमा उहाँका नाममा हिमाल दर्शन माविमा १ लाख ११ हजार १ सय ११ रुपैयाँको अक्षयकोष स्थापना गर्ने यसअघि नै घोषणा गरिसक्नुभएको छ ।