टाप्टिङमा आयोजित खुल्ला भलिबल प्रतियोगिता सम्पन्न, उपाधी चम्पादेबीलाई

कार्तिक २५, सोलुखुम्बु । हिमाली जिल्ला सोलुखुम्बुको सोलु दुधकुण्ड नगरपालिका वडा नम्बर १० टाप्टिङमा आयोजित खुल्ला भलिबल प्रतियोगिता सम्पन्न भएको छ । स्वर्गिय देण्डी शेर्पाको स्मृतिमा वडा नम्बर १० टाप्टिङ र सेभेन समिट फाउण्डेसनको संयुक्त आयोजनामा सुरु भएको प्रतियोगिता सम्पन्न भएको हो ।

प्रतियोगितामा चम्पादेवी गाँउपालिका १ ओखलढुंगा प्रथम भएको आयोजकले जनाएको छ । यस्तै प्रतियोगितामा सोलुदुधकुण्ड ८ दोस्रो, चिसंखुगढी गाँउपालिका १ तेस्रो र पाईला पाईलाको आशा तेस्रो भएको सोलुदुधकुण्ड नगरपालिका वडा नम्बर १० का वडा अध्यक्ष होम बहादुर मगरले जानकारी दिनुभयो ।

यस्तै उत्कृष्ट खेलाडीमा चम्पादेवी १ का खेलाडी अनिल श्रेष्ठ, उत्कृष्ट स्पाईकर सोलुदुधकुण्ड ८ का राजदिप तामाङ र उत्कृष्ट सेटर सोलुदुधकुण्ड ८ का दिपक तामाङ चुनिएका छन् । यस्तै उत्कृष्ट ब्लकरको एवार्ड चिसंखुगढीका अनिल माझिलाई प्रदान गरिएको छ भने उत्कृष्ट डिफेन्डरको उपाधि चम्पादेवी एकका शिबराम मगरले हात पारेका छन ।

उत्कृष्ट सरभर चम्पादेवी एकका ससित मगर छानिदा उत्कृष्ट कोच पनि चम्पादेवी एककै प्रनिक मगर छानिएका छन । खाम्दिङ विद्यालयको प्राङ्गणमा आयोजना गरिएको प्रतियोगितामा २० टिमको सहभागीता रहेको थियो । प्रतियोगितामा प्रथम, द्धितिय, तृतिय र सान्त्वना हुने टिमले क्रमशः १ लाख ५ रुपैयाँ, ७७ हजार, ५३ हजार र २७ हजारको साथमा ट्रफि मेडल प्रमाणपत्र प्राप्त गरेका छन् ।

यस्तै, उत्कृष्ट प्रशिक्षकलाई ३ हजार, सार्वोकृष्ट खेलाडी, उत्कृष्ट स्पाइकर, उत्कृष्ट सेटर, उत्कृष्ट ब्लकर, उत्कृष्ट डिफेन्डर र उत्कृष्ट सर्भरलाई नगद २५ सयको साथमा मेडल प्रमाणपत्र प्राप्त गरेको आयोजकले जनाएको छ ।