व्यवसायीहरुलाई घोडा खरिद नगर्न खुम्बु पासाङल्हामु गाउँपालिकाको आग्रह

कार्तिक २७, सोलुखुम्बु । हिमाली जिल्ला सोलुुखुम्बुको खुम्बु पासाङल्हामु गाउँपालिकाले नयाँ घोडा खरिद नगर्न व्यवसायिहरुलाई आग्रह गरेको छ । घोडाहरुको चाप बढ्न थालेपछि पर्यटक आवागमनमा असुविधा उत्पन्न हुने भन्दै गाउँपालिकाले यस्तो आग्रह गरेको हो ।

मंगलबार गाउँपालिकाले. एक सूचना जारी गर्दै निजि घरपालुवा घोडाहरु निकञ्जको कोर क्षेत्रबाट बाहिर आउन थालेको साथै नयाँ घोडा खरिद गर्ने व्यवसायी बढ्न थालेकाले आगामी दिनहरुमा यसको व्यवस्थापन गर्न मुस्किल हुने भन्दै व्यवसायीहरुलाई सुसुचित गराईएको खुम्बु पासाङ ल्हामु गाउँपालिकाका प्रमुख प्रशासकिय अधिकृत जगत प्रसाद भुसालले बताउनुभयो ।

गाउँपालिकाको वडा नम्बर ४ र ५ मा रहेका घोडाहरु वडा नम्बर २ र ३ मा समेत पुग्न थालेसँगै कारणबस उक्त वडाले पर्यटकीय बाटोमा घोडा हिड्डुल गराउन निषेध गरिएको खण्डमा व्यवसायी धरायसीमा पर्ने भएकाले नयाँ घोडा नकिन्न भनिएको गाउँपालिकाका अध्यक्ष मिङ्मा छिरी शेर्पाले बताउनुभयो ।

यस्तै सुचनाको बेवास्ता गरी कुनै नयाँ घोडा खरिद गरेको वा ल्याइएको पाईएमा उक्त घोडाको व्यवसायिक संचालनमा रोक लगाईने गाउँपालिकले जारी गरिएको सूचनामा उल्लेख गरिएको छ ।