वेद विद्याश्रम संस्कृत माविद्वारा पूर्व मन्त्री बल बहादुर के.सी सम्मानित

कार्तिक २७, सोलुखुम्बु । काठमाडौ महानगरपालिका वडा नम्बर ८ स्थित पशुपति क्षेत्र विकास कोषद्धारा सञ्चालित देव विद्याश्रम संस्कृत माविद्वारा पूर्व संस्कृत, पर्यटन तथा नागरिक उड्यान मन्त्री बल बहादुर के.सी लाई सम्मान गरिएको छ । मंगलबार विद्यालयको ५० औँ स्वर्ण महोत्सवको अवसरमा पूर्व मन्त्री के.सीलाई सम्मान गरिएको हो ।

तत्कालिन संस्कृति, पर्यटन तथा नागरिक उड्डयन मन्त्री हुदाँ विद्यालयमा जम्मा २५ जना विद्यार्थी रहेकाले विद्यालयमा विद्यार्थिको संख्या बढाउनका लागि महत्वपूर्ण भूमिका निर्वाह गरेकाले सम्मान गरिएको विद्यालयले जनाएको छ । उहाँले तत्कालीन ७५ वटा जिल्ला भएको बेला एक एक जना बटुक उक्त विद्यालयमा अध्ययनका  गर्न पाउने व्यवस्था मिलाउनुभएको थियो ।

उहाँलाई प्रमाणपत्र र दोसल्लाह ओढाई सम्मान गरिएको नेपाल तरुण दलका केन्द्रिय सदस्य अश्विन बाबु थापाले जानकारी दिनुभयो । पूर्व मन्त्री के.सीले ईतिहासका दिनलाई स्मरण गर्दै विद्यालयलाई विश्व सामु चिनाउनका लागि अङ्ग्रजी भाषा तथा कम्प्युटर कक्षाको व्यवस्था गर्नु पर्ने माग गर्नुभएको छ ।

यस्तै प्रमुख अतिथिको आसनबाट बोल्दै संस्कृत, पर्यटन तथा नागरिक उड्यान मन्त्री बद्री प्रसाद पाण्डेले आफुले धेरै उपलब्धीमुलक काम गर्ने प्रयास गरे पनि खुट्टा तान्ने प्रविधी बढी देखिएको बताउनुभएको छ ।