समाजसेवी छोङबा लामाकाे पहलमा टाक्सिन्दुमा सुविधा सम्पन्न छात्रवास, विद्यार्थीलाई पठनपाठनमा सहज हुने  

कार्तिक २७, सोलुखुम्बु । कार्तिक २७, सोलुखुम्बु । सोलुखुम्बुको सोलुदुधकुण्ड नगरपालिका १ नुनथलामा टाक्सिन्दुमा सुविधा सम्पन्न छात्राबासको निर्माण भएको छ ।  मानभिसो फाउण्डेसनको सहजिकरणमा चेची अनलुज लगायतका संस्थाहरूको आर्थिक सहयोगमा सुविधा सम्पन्न छात्रावास भवनको निर्माण सम्पन्न भएको हो । नवनिर्मित ३ तले छात्रवास भवनको आज सोलुदुधकुण्ड नगरपालिकाका मेयर नाम्गेल जाङ्बु शेर्पा तथा चेचि अनलुसका अध्यक्ष पावलो लिभियो क्राभेरीले संयुक्त रुपमा उद्‌घाटन गर्नुभएको छ ।

सुविधासम्पन्न छात्रवास गाउँमै निर्माण भएपछि यसले यहाँका गरिव तथा सिमान्तकृत बर्गका विद्यार्थीलाई पठनपाठनमा सहज भएको छ ।  उद्‌घाटन गर्दै सोलुदुधकुण्ड नगरपनलिकाक मेयर नाम्गेल जाङबु शेर्पाले यहाँ रहेका विद्यालयहरूमा पठनपाठन गर्ने विद्यार्थीलाई यो छात्रावास निकै उपयोगी सावित हुने उल्लेख गर्नुभयो । उहाँले छात्रवास भवन निर्माण भएपछि यहाँ पढ्न आउने विद्यार्थीहरूलाई निकै सहज हुने उल्लेख गर्नुभएको छ ।

४५ जना विद्यार्थी अट्ने क्षमता रहेको छात्रवास भवन निर्माण पछि विद्यार्थीहरूलाई घण्टौ धाएर विद्यालय पुग्नु पर्ने बाध्यता टरेको मानभिसो फाउण्डेसनका अध्यक्ष छोङ्बा शेर्पाले बताउनुभयो ।  कुल १ करोड १९ लाख १६ हजार ३ सय ३९ रुपैयाँको लागतका निर्मित छात्रबास भवन निर्माणका लागी विदेशी दात्री संस्थाहरुले गरेको सहयोगको उच्च सम्मान हुने मानभिसो फाउण्डेसनका अध्यक्ष छोङबा लामाको भनाई छ ।  

छात्रावास निर्माणका लागी लागेको आय र व्ययको विवरण फाउण्डेसनका कोषाध्यक्ष पेम्बा शेर्पाले प्रस्तुत गर्दै देशको लागी सक्षम विद्यार्थी उत्पादन गर्न होस्टेलले सहयोग गर्ने बताउनुभयो ।  

उद्‌घाटन कार्यक्रममा बोल्दै सरोकारवालाहरुले छात्रावास निर्माणकालागी सहयोग गर्ने दात्री निकायहरूलाई धन्यवाद दिँएका छन् भने यसले विद्यार्थीको शैक्षिक प्रगतीमा ठुलो साथ दिने बताएका छन् ।  

नगरपालिकाका उप्रमुख गान्धीमाया तामाङ छात्रावास निर्माणका सहयोगी संस्थाका प्रतिनिधीहरु, टाक्सीन्दुका वडा अध्यक्ष छोङबा शेर्पा, सोलुदुधकुण्ड नगरपालिका वडा नम्बर ७ का अध्यक्ष सोनाम ग्याल्जेन शेर्पा लगायत वडा स्थित विद्यालयका प्रअ विद्यालय व्यवस्थापन समितिका अध्यक्ष एवं विद्यार्थीहरूको उपस्थिति रहेको थियो ।