समाजसेवी शेर्पाद्धारा डोमा शेर्पाको उपचारका लागि ३० हजार रुपैयाँ सहयोग

कार्तिक २८, सोलुखुम्बु । शेर्पा बालबालिका संघका अध्यक्ष एवंम समाजसेवी निमा शेर्पाले परिवर्तित नाम डोमा शेर्पाको उपचारका लागि आर्थिक सहयोग गर्नुभएको छ । जिल्ला अस्पताल फाप्लुमा उपचाररत शेर्पाका लागि फुपुको सम्झनामा खोलिएको ल्हेमी शेर्पा स्मृति अक्षयकोषबाट सहयोग गर्नुभएको हो ।

सोलुदुधकुण्ड नगरपालिका वडा नम्बर ६ का शेर्पा काठमाडौमा बस्दै आएका थिए । उनको आँखा सुनिएको, पाकेको र अनुहार भरी घाउँ भएका अवस्थामा गत २२ दिन अगाडी सोलुखुम्बु यातायात मार्फत आइपुगेकी थिइन् । उनको अवस्था नाजुक देखिएकाले जिल्ला प्रहरी कार्यालय सोलुखुम्बुले अस्पताल सम्म पुर्याएका थिए ।

अस्पतालद्धारा हाल उनको नि : शुल्क उपचार भइरहेको सोलुदुधकुण्ड नगरपालिका वडा नम्बर ६ का वडा अध्यक्ष फुर्वा ग्याल्जेन शेर्पाले जानकारी दिनुभयो । पारिवारिक  अवस्था निकै कमजोर भएकाले थप उपचारका लागि सहयोग गर्ने परिवारले आग्रह समेत गरेको छ ।