रीड नेपालद्धारा हिमालय मावि बासामा तीन दिने शिक्षक पेशागत विकास सम्बन्धी तालिम सुरु

कार्तिक २९, सोलुखुम्बु । सोलुखुम्बुको माप्य दुधकोशी गाउँपालिका स्थित हिमालय मावि बासामा तीन दिने शिक्षक पेशागत विकास सम्बन्धी तालिम सुरु भएको छ । रीड नेपालको आयोजना तथा माप्य दुधकोशी गाउँपालिकाको समन्वय तथा सहकार्यमा तालिम सुरु गरिएको हो । पालिका, अष्ट्रेलियन एड र अष्ट्रेलियन हिमालयन फाउन्डेसनको आर्थिक सहयोग रहेको गाउँपालिकाले जनाएको छ ।

रीड नेपालका शिक्षा कार्यक्रम प्रबन्धक पदम महरको अध्यक्षता तथा गाउँपालिका अध्यक्ष बुद्धिकिरण राईको प्रमुख अतिथ्यतामा र पालिका उपाध्यक्ष्य गौरव राई, शिक्षा शाखा प्रमुख गजेन्द्र भट्टराईको उपस्थितिका तालिमको उद्घाटन गरिएको छ । कार्यक्रममा बोल्दै पालिका प्रमुख राईले रीड नेपालको शैक्षिक क्षेत्रमा महत्तपूर्ण योगदान रहेको भन्दै धन्यवाद ज्ञापन गर्नुभयो । शिक्षकहरुलाई प्रविधि संग अपडेट हुदै सिकेका सिप व्यवहारमा उतार्न आग्रह गर्नुभयो ।

यस्तै रीड नेपालका शिक्षा कार्यक्रम प्रबन्धक पदम महरले तालिमबाट बालबालिकाको व्यवहारमा परिवर्तन आउनुपर्ने बताउदै समावेसी शिक्षा आजको आवश्यकता बताउदै अपांगता भएका बालबालिकाहरुलाई पनि विद्यालयको पहुचमा पुर्यायर समावेसी व्यवहार गर्दै सिकाउनु पर्नेमा जोड दिनुभयो ।

पालिका भित्रका २० वटा विद्यालय रीड नेपाल र बाँकी विद्यालय पालिका मार्फत तालिममा सहभागी गरिएको तालिममा ७१ जना शिक्षकहरुको उपस्थिति रहेको छ । तालिममा सामाजिक, प्रविधि, अंग्रेजी, गणित र विज्ञान विषयलाई समेटेर तालिम संचालन भैरहेको छ ।

तालिमको सहजीकरण रीड नेपालका प्रशिक्षक अभिषेक विक्रम शाह, अर्पण रेग्मी, बासु वाग्ले विष्णु उपाध्याय, राजीव ढुंगाना लगाएतले गरिरहनु भएको छ । यही प्रकृतिको तालिम रीड नेपालले अन्य पालिकामा पनि संचालन गर्ने जनाएको छ ।