सोलु प्रहरीको अगुवाइमा ज्वालामाई देवी मन्दिरको सरसफाई

मंसिर १, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ३ तामाखानी स्थित प्रसिद्ध धार्मिक स्थल ज्वालामाई देवीको मन्दिर सरसफाई गरिएको छ ।

शनिबार समुदाय प्रहरी साझेदारी कार्यक्रम अन्तर्गत अस्थाई प्रहरी चौकी तामाखानीबाट खटिएको प्रहरीको टोली र स्थानीयवासीहरुले सरसफाई गरेका हुन् । हिन्दू तथा बौद्ध धर्मावलम्बीहरूले श्रदापूर्वक हरिबोधनी एकादशीदेखि मङ्सिर शुक्ल पूर्णिमाको दिन सम्म मन्दिरमा विशेष मेला लागेको थियो ।

मेलाको समयमा मन्दिर वरपर फोहोर देखिएकाले धार्मिक सम्पदाहरूको संरक्षण तथा परिसरको वातावरण सफा सुग्घर राख्ने उद्देश्यले मन्दिर सरसफाइ गरिएको जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।