हिउँदे मतानमा आगलागी हुँदा देशकाे बाख्रा जल्याे 

मंसिर १, सोलुखुम्बु । हिउँदे मतान जल्दा सोलुखुम्बुमा गोठमा बाँधेको बाख्रा घाइते भएको छ ।  हिमाली जिल्ला सोलुखुम्बुको माप्य दुधकोशी गाउँपालिका वडा नम्बर ३ स्थित खुस्कुमका देश बहादुर खत्रीको हिउँदे गोठमा जल्दा गोठमा बाँधेकाे बाख्रा जलेर घाइते भएको हो ।  स्थानीय खत्रीको घर भन्दा २ किलोमिटर टाढा रहेको गोठमा अचानक आगलागी हुँदा उक्त गोठ जलेर पूर्ण रुपमा नष्ट हुनका साथै एक ओटा बाख्रा घाइते भएको जिल्ला प्रहरी कार्यालय सोलुखुम्बुले जनाएको छ ।  प्रहरीका अनुसार आगलागीबाट अन्य क्षति वा मानवीय क्षती भने भएको छैन  ।