उपचाररत लेखापाल मगरलाई तीन लाख बढी सहयोग हस्तान्तरण

मंसिर ३, सोलुखुम्बु । सोलुखुम्बुको नेचासल्यानमा रहेको हिमाल दर्शन माविका उपचाररत लेखापाल देश बहादुर मगलाई तीन लाख पाँच हजार एक सय रुपैयाँ सहयोग हस्तान्तरण गरिएको छ ।

कार्तिक २५ गते दिउँसो ट्रान्सर्फमरमा तार व्यवस्थापन गर्ने क्रममा करेन्ट लागि घाईते भएका लेखापाल मगरको उपचारका लागी सहयोग संकनल गरिएको रकम हस्तान्तरण गरिएको हो । नेचासल्यानका स्थानीय समाजसेविहरुले ५ दिने सहयोग संकलन अभियान अन्तर्गत संकलित रकम लेखापाल मगरको बैंक खातामा जम्मा गरिएको समाजसेवी देवेन्द्र शर्मा कटेलले जानकारी दिनुभयो ।

मगरको उपचारका लागि पारिवारिक अवस्थाले मात्र नपुग्ने भएकाले बिरामीको घाउँमा मलम लगाउने उदेश्यले अभियान सञ्चालन गरिएको उहाँको भनाई छ । मगरको करेन्ट लागेर ट्रान्सर्फमरबाट लड्दा टाउको र मेरुदण्डमा गम्भीर चोट लागेका थियो । शल्यक्रिया पश्चात स्वास्थ्य अवस्था सुधारोन्मुख हुदैँ गएको छ ।