मंसिर ४, सोलुखुम्बु । सोलुखुम्बुको नेचासल्यान गाउँपालिकामा रहेको हिमाल दर्शन माविमा शिक्षकका लागि तीन दिने तालिम सुरु गरिएको छ । रीड नेपालको आयोजना तथा नेचासल्यान गाउँपालिकाको समन्वयमा अंग्रेजी, गणित, विज्ञान र सामाजिक विषयका लागि तीन दिने तालिम सुरु गरिएको हो ।
मंगलबार रीड नेपालका शिक्षा विकास संयोजक केशवदेव गिरीको अध्यक्षता तथा नेचासल्यान गाउँपालिकाका उपाध्यक्ष बिना राईको प्रमुख आतिथ्यता र शिक्षा शाखा प्रमुख माधवमनी ढुंगानाको उपस्थितिमा तालिमको उद्घाटन गरिएको हो । उद्घाटन सत्रमा बोल्दै पालिका उप प्रमुख बिना राईले रीड नेपालको शिक्षामा महत्त्वपूर्ण योगदान रही आएको बताउदै धन्यवाद व्यक्त गर्नुभएको छ ।
साथै सहभागील शिक्षकलाई सक्रिय रुपमा सहभागी भएर सिकेको सिप विद्यालयमा लागु गर्न आग्रह गर्नुभयो । त्यस्तै शिक्षा शाखा प्रमुख माधवमनी ढुंगानाले सरकारले गर्नु पर्ने काम रीड नेपालले गरिरहेको भन्दै प्रसंशा गर्नुभयो । रीड नेपालको लगानीको प्रतिफल एसईइमा देखिएको बताउदै निरन्तर सहयोग सहकार्यको अपेक्षा गर्नुभएको छ ।
रीड नेपालका शिक्षा विकास संयोजक केशवदेव गिरीले अंग्रेजी गणित विज्ञानमा सिकाइ उपलब्धी अझै कम भएकोले उक्त विषयको तालिमको आयोजना गरिएको बाताउनुभयो । तालिममा लैंगिक समानता अपांगता तथा सामाजिक समावेशीकरण र टेक्नोलोजिलाई पनि समेटिने बताइएको छ ।
तालिममा नेचासल्यानका ६३ जना शिक्षकहरुको उपस्थिति रहेको छ । तालिमको सहजीकरण रीड नेपालका प्रशिक्षक अभिषेक विक्रम शाह, अर्पण रेग्मी, बासु वाग्ले, सुजता राई र राजीव ढुंगानाले गरिरहनुभएको छ ।
Discussion about this post